Les mots surlignés font l'objet d'une note
1Reçue à Paris.
2[brouillon de lettre à Charles IX]
3Sire, revenant dernièrement le sieur de Virieu devers monsieur le marechal Dampville, il fut
4prins prisonnier entre Pierrelate et le St Esprit par aucuns d’Orenge qui le menarent au sieur
5de Montbrun qui lauroit declairé mal prins, comme il plaira à votre majesté veoir par ses attestations.
6Geissans, enseigne de ma compagnie audit sieur de Montbrun et autres gentilzhommes de
11sa religion, pour moyenner quelque traicté au soulagement du peuple en attendant icelluy votre
12en ensuivant voz commandemens, je me tiens le plus fort], que jestime ilz observeront.
15Ce pendant, ne scaichant comment ilz se vouldront resouldre à lobeissance dicelluy votre
16edict, en ensuivant voz commandemens, je me tiens le plus fort pour, si besoing est, les
17contraindre par la force à accepter votre loy. Mais dautant sire que je ne peulx ce faire
18sans grande despence et foulle du pays, je supplie très humblement votre majesté me
19faire entendre tant plustost votre intention sur le tout et envoyer votredit edict, ensemble
20le[s] provisions necessaires pour la monstre de la compagnie de monsieur de Nemours et la mienne.
21Sire, ce matin, ceulx qui tenoient ce lieu après y avoir demeuré au-devant X ou XII jours, me lont
22remys, et se sont retirez suivant laccord que luy auroys faict avec le sieur de Montbrun et autres
23de son party quy mont presenté ladite requete et ce en vertu dicelle lettre quil vous a pleu ≠
24[ au bas de la page : ≠ mescrire ; aussy ny estoys-je pas venu tant pour attaquer ledit lieu que pour cuyder y attirer
25ledit Montbrun pource quil se faisoit ouyr que si je sortoys, il me viendroyt combatre]
2627
[brouillon de Lettre au duc d'Anjou (Henri III) nouveau roi de Pologne
28Au roy de Poullongne
29Sire, il a pleu au roy par ses lettres du Vie me faire entendre laccord par vous faict avec les
30Rochelloys et quil vous avoyt envoyé surce son edict de pacification et mandé en madvertir
31coment jauroys à me gouverner pour ensuivre les vouloir et instruction de voz majestez ; et ce
32pendant que je me teinse le plus fort pour, par la force, faire [mot barré] accepter sa loy à ceulx qui ne sy
33vouldroient ranger amyablement comme je me doubte que pourroient faire ceulx de ce pays
34et se rendre les plus mal aysez à ferrer. Mais dautant, sire, que me tenant ainsi le plus
35fort, lon demeure en suspend et le pays en bien grande despence. Je supplie très humblement
36votre majesté de menvoyer tant plus tost icelluy edict avec instructions comment jauray à my
37conduire et obeir à voz commandemens.
3839
[116 v°]
40[brouillon de lettre à Catherine de Médicis]
41Madame, votre majesté entendra, sil luy plaist par les lettres et presentes que jenvoye au roy
42le traicté etaccord que jay moyenné avec ceulx de la nouvelle oppinion de ce pays.
43Ayant sceu celluy qui a esté faict avec les Rochelloys, dont jen suys attendant
44son edict et coment jauray à my conduire. Mais dautant que ce pendant en ensuivant
45voz commandemens, je me tiens le plus fort et que ce nest sans bien grande
46despence au pays. Je supplie très humblement votre majesté pour le soulagement dicelluy
47me faire tant plustost envoyer icellui votre edict, ensemble les provisions et
48moyen pour la monstre de la compagnie de monsieur de Nemours et la mienne,
49ayant esgard au long temps quelle nen a point faicte.